یوگرٹ مٹن Yogurt Mutton Recipes

یوگرٹ مٹن
اجزاء:
بکرے کا گوشت (دھولیں) : ایک کلو
دہی: ایک پاؤ
پیاز(باریک کاٹ لیں): دو عدد
ادرک ،لہسن پیسٹ: دو کھانے کے چمچے
ہری مرچ (درمیانی سائز کی): آدھا کپ
نمک: حسب ضرورت
گرم مسالاپاؤڈر: ایک چائے کا چمچہ
تیل : آدھا کپ
ترکیب:

دیگچی میں تیل گرم کریں۔ اس میں پیاز ڈال کر گولڈن ہونے تک تلیں۔ گوشت، نمک اور ادرک ،لہسن پیسٹ ڈال دیں۔ دو منٹ تک بھون کر تقریبا چار گلاس پانی گوشت میں ڈال کر گلنے کے لیے چھوڑ دیں۔(اگر پانی خشک ہو جائے اورگوشت نہ گلے تو تھوڑا پانی اور ڈال دیں) آدھی ہری مرچیں گرائینڈر میں پیس لیں۔ جب گوشت گل جائے تو دہی پھینٹ کر اس میں ملا دیں اور ساتھ ہی پسی ہوئی ہری مرچیں بھی ملا دیں۔جب دہی کا پانی بھی خشک ہو جائے تو باقی کی ثابت ہری مرچوں کو درمیان میں کٹ لگا کر گوشت میں ڈال دیں۔ ہلکی آنچ پر مزید دس منٹ تک پکائیں۔ جب تیل اپر آ جائے تو گرم مسالا ڈال دیں۔ نان اور سلاد کے ساتھ پیش کریں۔