Koftay ka salan Recipesکوفتے

کوفتے
اجزاء:
روکھا گوشت: آدھا کلو
لہسن ادرک پیسٹ: دو چائے کے چمچے
سرخ مرچ: ایک چائے کا چمچہ
پسا دھنیا: ایک چائے کا چمچہ
ہلدی: ایک چوتھائی چمچہ
پسا گرم مسالہ: ایک چائے کا چمچہ
بیسن : چار کھانے کے چمچے
پیاز: تین عدد
 نمک: حسب ذائقہ
تیل: حسب ضرورت
ترکیب:

 گوشت کی چھوٹی چھوٹی بوٹیاں کر کے دھولیں اور کسی چھلنی میں ڈال کر رکھ دیں تاکہ اس کا اضافی پانی نکل جائے۔فرائی پین میں چار چمچے تیل گرم کر کے بیسن سنہرا کر لیں۔بیسن سمیت تمام مسالے گوشت میں ڈال کر گرائنڈ کر لیں۔ ہری مرچ ،ہرا دھنیا باریک کتر کر شامل کریں اور کوفتے بنا کر فریز کرلیں۔تکیہ یا سیخ کباب کی شکل میں بھی بنا سکتی ہیں۔ ٹکیہ بنانے کی میں اسے شام کی چائے پر بطور اسنیکس استعمال کرسکتی ہیں۔انڈا لگا کر فرائی کر لیں اور کوفتے بنانے کی صورت میں آپ جب چاہیں عام طریقے سے شوربا بنائیں اور کوفتے فرائی کر کے اس میں ڈال دیں۔ کوفتے کا سالن تیار ہے

Anday ka Halwa Recipesانڈے کا حلوہ

انڈے کا حلوہ
اجزاء:
انڈے : بارہ عدد
چینی: ڈیرھ پاؤ
بالائی: ایک پیالی
کیوڑہ: ایک چائے کا چمچہ
بادام: حسب ضرورت
پسا کھوپرا: آدھی چھٹانک
سبز الائچی: چار عدد
کھویا: آدھی پیالی
گھی: حسب ضرورت
ترکیب:
بالائی پھینٹ کر اس میں کھویا مسل کر ڈال دیں، پھر آدھا چمچہ کیوڑہاور چینی دال کر اتنا پھینٹیں کہ پھٹکی نہ رہےاور سارا آمیزہ یکجان ہوجائے۔ انڈوں کو جھاگ آنے تک پھینٹیں۔ کھلے منہ کے برتن میں گھی گرم کر کے الائچی دانے کڑکڑائیں پھر تمام چیزیں ڈال کر چمچہ چلاتی رہیں۔پانی خشک ہوجائے۔ حلوہ گھی چھوڑ دے تو آدھا چمچہ کیوڑہ ڈال کر تھوڑی دیر کے لیے ڈھک دیں۔حلوہ تیار ہے۔

Khajoor Ka Sharbatکھجور کا شربت

کھجور کا شربت
اجزاء:
کھجور: ایک پاؤ
دودھ: ایک لیٹر
کریم: آدھا کپ
بادام: بارہ عدد
چینی: آدھا کپ
ترکیب:

کھجور سے گھٹلیاں نکال کر بلینڈر میں ڈالیں۔ساتھ ہی چینی اور دودھ ملا کر بلینڈ کر لیں۔اس کے بعد بادام
(باریک کاٹ کر) اور کریم ڈال کر مکس کر لیں۔ (زیادہ گاڑھا لگے تو آدھا گلاس پانی بھی شامل کر سکتی ہیں)۔ برف ڈال کر ٹھنڈا کریں اور سرو کریں۔

Steam Raan Roast Recipesاسٹیم ران روسٹ

اسٹیم ران روسٹ
اجزاء:
بکرے کی ران: ایک عدد
دہی: ایک پاؤ
ادرک لہسن پیسٹ: دو چائے کے چمچے
کچا پپیتا: دو چائے کے چمچے
خشخاش: دو چائے کے چمچے
سرخ مرچ: ایک کھانے کا چمچہ
پسا گرم مسالہ: دو چائے کے چمچے
نمک: حسب ذائقہ
تیل: حسب ضرورت
ترکیب:

 ران صاف کر کے گہرے لمبے کٹ لگائیں اور کچا پپیتا لگا کر دو گھنٹے کے لیے رکھ دیں۔ دہی میں تیل سمیت تمام مسالے (خشخاش پیس کر) مکس کر کے ھاتھ سے اچھی طرح ران پر لگائیں اور ایک گھنٹے کے لیے رکھ دیں۔ پھر ایک بڑی پتیلی میں پانی گرم کریں۔اس کے اندر کسی چھلنے میں لیگ پیس رکھ کر بھاپ میں اتنی دیر پکائیں کہ گوشت گل جائے۔ چپاتی ، سلاد اور رائتے کے ساتھ پیش کریں۔

Continental Biryani Recipesکونٹی نینٹل بریانی

کونٹی نینٹل بریانی
اجزاء:
گوشت: ڈیڑھ کلو
چاول : ایک کلو
لہسن پیسٹ: تین کھانے کے چمچے
ادرک : ایک بڑا ٹکڑا
دہی: آدھا کپ
ٹماٹو پیسٹ: دو کھانے کے چمچے
ٹماٹر: ایک عدد
شملہ مرچ: ایک عدد

 سویا ساس: دو کھانے کے چمچے
سرخ مرچ : ایک کھانے کا چمچہ
زرد رنگ : ایک چٹکی
یخنی کیوب: ایک عدد
بریانی اسنس: چند قطرے
پسی سیاہ مرچ: ایک کھانے کا چمچہ
 پسا گرم مسالہ: آدھا چائے کا چمچہ
نمک: حسب ذائقہ
تیل: حسب ضرورت
ترکیب:
گوشت دھو کر خشک کریں پھر اس میں دہی، نمک، سویا ساس، کالی مرچ، سرخ مرچ، دو چمچے لہسن پیسٹ ڈال کر مکس کریں اور رکھ دیں۔ الگ پتیلی میں تیل گرم کر کے بقیہ لہسن پیسٹ اور کتری ہوئی ادرک ڈال کر فرائی کریں۔ ٹماٹو پیسٹ اور گوشت بمعہ مسالہ ڈال کر پانچ دس منٹ بھونیں اور ایک کپ پانی اور یخنی کیوب ڈال کر گوشت گلنے تک پکائیں۔ چاول ڈال کر اتنا پانی ڈالیں کہ چاول دو کنی گل جائیں اور پانی خشک ہو جائے۔ زرد رنگ، بریانی اسنس اور گرم مسالہ چھڑک کر دم پر لگا دیں۔ پیش کرتے وقت چوکور کٹے ہوئے ٹماٹر اور شملہ مرچ سے سجاوٹ کریں۔

Italian Salad Recipesاٹالین سیلڈ

اٹالین سیلڈ
اجزاء:
میکرونی(ابلی ہوئی): دوکپ
شملہ مرچیں: دو عدد(بیج نکال کر کیوبز کاٹ لیں)
ہری پیاز(چوپ کرلیں): دو عدد

 گاجریں(چوپ کرلیں): دو عدد
انڈے(ابلے ہوئے): دو سے تین عدد
کریم: دو کھانے کے چمچے
لیموں کا رس: ایک چائے کا چمچہ
مایونیز: پانچ کھانے کے چمچے
زیتون کا تیل: ایک چائے کا چمچہ
بند گوبھی:(کش کی ہوئی) : آدھا کپ
پاپڑ(سرونگ کے لیے): حسب  پسند
نمک، سفید مرچ پاؤڈر: حسب ضرورت
ترکیب:
ایک پیالے میں میکرونی، شملہ مرچیں، ہری پیاز، گاجریں اور بند گوبھی ڈال کر مکس کر لیں، ڈریسنگ تیار کرنے کے بعد ایک دوسرے پیالے میں کریم، لیموں کا رس، مایونیز، زیتون کا تیل، نمک، سفید مرچ پاؤڈرڈال کر مکس کریں۔ اب تیار کی ہوئی ڈریسنگ کو سبزیوں اور میکرونی والے پیالے میں ڈال کر مکس کریں۔ سیلڈ باؤل میں نکال کر ابلے ہوئے انڈے سے گارنش کر کے پاپڑ کے ساتھ سرو کریں۔

Breakfast Salad Recipesبریک فاسٹ سیلڈ

بریک فاسٹ سیلڈ
اجزاء:
فریش کریم: دو پیکٹ
نوڈلز(چکن فلیور): دو پیکٹ
میکرونی: آدھا کپ
بند گوبھی: آدھا کپ
گاجر: دوعدد(درمیانے سائز کے کش کیےہوئے)
مٹر(ابلے ہوئے): آدھا کپ
چنے سفید(ابلے ہوئے): تھوڑے سے
ہری مرچ : ایک عدد
سیب: دو عدد(کیوب کاٹ لیں)
نمک، سیاہ مرچ: حسب ضرورت
تیل: حسب ضرورت
ترکیب:

 سب سے پہلے میکرونی کو آدھےکپ پانی میں ڈال کر ابالیں ساتھ میں تھوڑا سا نمک اور ایک چمچہ تیل ڈال دیں تاکہ میکرونی چپکے نہیں جب میکرونی گل جائے تو پانی نتھار لیں۔ اسی طرح نوڈلز کو بھی ابال لیں۔ سیب، بند گوبھی، گاجر، ہری مرچ کو باریک کاٹ لیں۔ ایک سرونگ باؤل میں مٹر، چنے، سیب، بند گوبھی، گاجر، ہری مرچ، میکرونی، نوڈلز اور فریش کریم ڈال کر چمچے سے مکس کریں حسب ذائقہ نمک اور سیاہ مرچ پاؤڈر شامل کریں۔ مزے دار بریک فاسٹ سیلڈ تیار ہے۔

Breakfast Compote Recipesبریک فاسٹ کومپٹ

بریک فاسٹ کومپٹ
اجزاء:
مکس فروٹ: چار کپ(سیب، خربوزہ، کیلے، انار)
کاجو: چوتھائی کپ
کریم: حسب ضرورت
پانی: ایک کپ
ترکیب:
سیب، کیلے اور خربوزے کو چھیل کر اس کے بڑے کیوبز کاٹ لیں۔ کاجو کو فرائی کر لیں۔ انگور اور انار کو ایک پلیٹ میں رکھیں۔ سیب، کیلے اور خربوزے کو ایک پیالے میں ڈال کر مکس کر لیں۔ انگور اور انار ڈال کر سرونگ باؤل میں نکالیں۔ کاجو سے گارنش کرکے سرو کریں۔

Kache Gosht ki Biryani Recipesکچے گوشت کی بریانی

کچے گوشت کی بریانیاجزاء:
گوشت: دو کلو
چاول: ایک کلو
کچا پپیتا: دو کھانے کے چمچے
ادرک ،لہسن کا پیسٹ: دو کھانے کے چمچے
نمک: حسب ضرورت
دھنیا(پسا ہوا): دو کھانے کے چمچے
پیاز: آدھا کلو

دہی: ایک کپ
ہرا دھنیا: آدھی گٹی (باریک پسی ہوئی)
پودینہ:آدھی گٹی( باریک کاٹ لیں)
ہری مرچ: پانچ عدد(پسی ہوئی)
آلو: ایک کلو
آئل: ایک کپ
گرم مسالہ، سفید زیرہ، کالا زیرہ، جائفل، جاتری، لونگ، چھوٹی الائچی، بڑی الائچی، کالی مرچ، تیز پات اور دار چینی یہ تمام چیزیں بھون لیں اور دو کھانے کے چمچے لے لیں۔
ترکیب:

 سب سے پہلے تمام مسالے دہی میں ملا کر گوشت میں لگا کر پانچ سے چھ گھنٹوں کے لیے رکھ دیں۔ چاول صاف کرکے پندرہ سے بیس منٹ کے لیے بھگو دیں۔ آلو چھیل کر بڑے ٹکڑے کاٹ لیں اور فرائی کر لیں۔
اب ایک پتیلی میں آئل گرم کرکے باریک کٹی ہوئی پیاز براؤن کر لیں آدھی پیاز نکال کرالگ رکھ لیں۔ اب گوشت کو آئل میں ڈال کر پانچ سے دس منٹ بھون لیں۔ چاول ایک کنی ابال کر پانی نتھار لیں۔ اب گوشت والی پتیلی میں سے آدھا گوشت نکال لیں اور آدھا اسی میں رہنے دیں اس کے اپر آدھے چاول کی تہ لگا کر باقی گوشت، آلو اور باریک کٹا ہرا دھنیااور پودینہ کی تہ لگا کر اوپر سے باقی چاول ڈال دیں اور اس کے اوپر ہری مرچ ثابت اور براؤن کی ہوئی پیاز ڈال دیں۔ چند قطرے کیوڑہ ڈال کر ڈھکن کو چاروں طرف سے گوندھے ہوئے آٹے سے بند کر دیں۔ توے کو تیز آنچ پر رکھ کر اس پر پتیلی رکھ دیں۔ جب توا خوب گرم ہو جائے تو چولہا ہلکا کر کے تین سے چار گھنٹوں کے لیے رکھ دیں تیار ہونے پر گرم گرم بریانی سلاد اور رائتے کے ساتھ سرو کریں۔

Mutton Chanp Barbeque Recipesمٹن چانپ باربی کیو

مٹن چانپ باربی کیو
اجزاء:
چانپیں: ایک کلو
لال مرچ پسی ہوئی: حسب ضرورت
گرم مسالہ: چائے کا ایک چمچہ
سوکھا دھنیا: چائے کا ڈیڑھ چمچہ
دہی: آدھی پیالی
لہسن ،ادرک پیسٹ: چائے کے دو چمچے
نمک: حسب ضرورت
پیاز پسی ہوئی: دو عدد(درمیانی)
سفید زیرہ: چائے کا ایک چمچہ
گھی:   چانپوں پر ٹکانے کے لیے
ترکیب: 

   چانپیں دھو کر ایک چھلنی میں ڈال کر خشک کر لیں۔ پھر ابال لیں۔ اب پیاز، لہسن، ادرک، دہی، نمک، گرم مسالہ، دھنیا اور زیرہ سب ملا کر باریک پیس لیں اور چانپوں پر لگائیں۔ پھر ڈیڑھ گھنٹے کے لیے فریج میں رکھ چھوڑیں۔ سیخوں پر لگا کر تھوڑا تھوڑا گھی ٹپکائیں اور بھون لیں۔ سرخ ہو جائے تو پودینے کی چٹنی کے ساتھ سلاد بھی سرو کریں۔

Afghani Seekh Kabab Recipesافغانی سیخ کباب

افغانی سیخ کباب
اجزاء:
قیمہ: ایک کلو
نمک: چائے کے دو چمچے
کچی پیاز: دو عدد( چوکور کاٹ لیں)
کالی مرچ پاؤڈر: چائے کا آدھا چمچہ
لال مرچ پاؤڈر: چائے کے دو چمچے
ادرک،لہسن پیسٹ: چائے کے دو چمچے
ہرا دھنیا: آدھی گھٹی
ٹماٹر: چار عدد
شملہ مرچ: چار عدد
ترکیب:

 قیمہ کو نمک، کالی مرچ، لال مرچ، ادرک لہسن پیسٹ کے ساتھ پیس لیں۔ کچی پیاز اور دھنیا کاٹ کر ڈالیں۔
فریج میں ایک گھنٹے کے لیے رکھ دیں۔ اس کے بعد سیخ پر شملہ مرچ، ٹماٹر اور قیمے کی چھوٹی چھوٹی گیندیں بنا کر لگا لیں اور کوئلہ دہکا کر سینک لیں اور گرم گرم سرو کریں۔